"Gürcüstanın ərazisinin 20%-i, iki tarixi bölgə - Abxaziya və Sxinvali Rusiyanın işğalı altındadır".
Modern.az gürcü mediasına istinadən xəbər verir ki, bu sözləri Gürcüstan parlamentinin sədri Kaxa Kuçava, Madriddə keçirilən Parlamentlərarası İttifaqın 143-cü Assambleyasında çıxışı zamanı deyib.
Onun sözlərinə görə, bu rayonların sakinləri zorakılığın və etnik zəmində əsassız məhdudiyyətlərin qurbanı olurlar: "Gürcüstanın ərazisinin 20%-i, iki tarixi bölgə - Abxaziya və Sxinvali Rusiyanın işğalı altındadır. Buna diqqət edilmir və bu bölgələrin sakinləri etnik zorakılıq və əsassız məhdudiyyətlərin qurbanıdırlar", - deyə Kuçava bildirib.
