"Qalatasaray"ın baş məşqçisi Fatih Terim xəstəxanaya yerləşdirilib.
Modern.az xəbər verir ki, bu barədə klubun mətbuat xidməti məlumat yayıb.
Buna səbəb 68 yaşlı mütəxəssisin onurğasındakı yırtıqla bağlı müalicə olunmasıdır.
Ağrıları olan baş məşqçinin müalicəsinə başlanılıb. Qeyd edək ki, "Qalatasaray" növbəti oyununu UEFA Avrpa Liqasının qrup mərhələsində İtaliya "Latsio"suna qarşı keçirəcək. Dekabrın 9-da oynanılacaq görüş Bakı vaxtı ilə saat 00:00-da başlayacaq.
