“Qarşı tərəfdən bu kimi məsələlərin təhrif olunmuş şəkildə çatdırılması birinci dəfə deyil. Biz bunu müharibə zamanı da görmüşdük”.
Modern.az xəbər verir ki, bunu xarici işlər nazirinin müavini Elnur Məmmədov Ermənistanın Beynəlxalq Ədalət Məhkəməsində Azərbaycana qarşı qaldırdığı iddiasının təmin olunmaması ilə bağlı keçirdiyi mətbuat konfransında bildirib.
“Öz xalqına da tamamilə yanlış məlumatlar verirdi. Keçən ilin noyabrda bağlanan müqavilə ilə Ermənistan cəmiyyətində partlayış olmuşdu. Səbəb isə ondan ibarət idi ki, təxminən altı ay ərzində həmin cəmiyyət yanlış məlumatlar fonunda başqa fikirlərdə yaşayırdılar. Bizim istinad etdiyimiz məlumatlar hamısı sübutlar əsasındadır”.
