Liviyada Müəmmər Qəddafinin təhlükəsizlik xidmətinin yüksək rütbəli keçmiş əməkdaşı qətlə yetirilib. Modern.az Misirin “Əl-Əhram” qəzetinə istinadən bildirir ki, Qəddafi hakimiyyətinin nümayəndəsi Livyanın ikinci böyük şəhəri Benqazidə qətlə yetirilib. Podpolkovnik Nasser Əl-Məğribi öz fermasında ölü tapılıb. Kriminal tədqiqatlar şöbəsinin nümayəndəsi Əl-Məğribinin öldürüldüyünü bildirib. Başqa bir rəsmi isə onun Sidi Fərəc bölgəsindəki fermasında öldürüldüyünü və ölümü ilə bağlı tədqiqatlar aparıldığını bildirib. Mənbələr Əl-Məğribinin Qəddafi rejimi vaxtı təhlükəsizlik qüvvələrində işlədiyini bildirib.
Nasser Əl-Məğribinin öldürülməsi Benqazi Kriminal Tədqiqatlar Şöbəsinin rəhbəri Əbdüssəlam Əl-Məhdəvi silah gücüylə qaçırıldıqdan sonra baş verib. Benqazi Kriminal Tədqiqatlar Şöbəsinin rəhbərinin harda olması bilinmir.