DİN Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Kipr Respublikasının «Vision İnternational People Group Publik Limited» Şirkətinin Azərbaycandakı nümayəndəliyinin «Vicn Azərbaycan» MMC-nin təsisçisi və direktoru Mehriban Tərlənova yaxalanıb. Modern.az-ın məlumatına görə, bu barədə DİN-in mətbuat xidmətindəb bildirlib. Mehriban Tərlənova xarici ölkələrdə istehsal olunan, mənşəyi məlum olmayan aktiv bioloji qida əlavələrini tərtib edilmiş saxta sənədlər əsasında satarkən saxlanılıb. Faktla əlaqədar cinayət işi başlanıb.
Modern.az