Ötən axşam Tərtər rayonunda yerləşən N saylı hərbi hissədə bədbəxt hadisə baş verib. Müdafiə Nazirliyi mətbuat xidmətinin rəis müavini mayor Teymur Abdullayevin ANS-ə verdiyi məlumata görə, hərbi hissənin qazanxanasında partlayış olub. Hadisə nəticəsində iki əsgər - Musazadə Natiq və Bayramov Xaliq müxtəlif dərəcəli yanıq xəsarətləri alıblar. Hazırda hər iki əsgər hospitaldadır və vəziyyətləri ağır qiymətləndirilir.
"Onların müalicəsi üçün nə lazımdırsa edilir”-deyə T.Abdullayev bildirib.
Onun sözlərinə görə, Xaliqov Bayram Rafiq oğlu Nəsimi rayonundan, Musazadə Abbas Natiq oğlu isə Füzuli rayonundan hərbi xidmətə çağırılıb.
Yaralı əsgərlərin Bakıya göndəriləcəyi bildirilir.
