Modern.az

Əli Əhmədov müxalifəti xarici qüvvələrlə əlaqədə suçlayıb

Əli Əhmədov müxalifəti xarici qüvvələrlə əlaqədə suçlayıb

24 Mart 2010, 12:40

Bəzi müxalifət partiyaları ölkədən kənarda fəaliyyət göstərən və ölkənin daxili işlərinə müdaxilə etmək fürsəti güdən qüvvələrlə əlaqə yaradırlar».

Bunu Yeni Azərbaycan Partiyasının sədr müavini Əli Əhmədov partiyanın saytına verdiyi müsahibəsində deyib.

O, Azərbaycanda fəaliyyət göstərən bir sıra müxalifət partiyalarının belə bir taktikanı seçmələrindən təəssüf hissi keçirdiyini bildirib:

«Milli maraqlara xidmət göstərməyi öz qarşısına məqsəd qoymayan partiyalar xarici qüvvələrlə əlaqəyə girdiklərinə görə onların sifarişlərini yerinə yetirmək məcburiyyətində qalırlar. Bunu müxalifətin içərisində olan bir sıra təmsilçilər də təsdiq etməyə başlayıblar».

Əli Əhmədov deyib ki, Azərbaycan ictimaiyyəti müxalifətin içərisindən gələn bu cür siqnallara ciddi reaksiya verməlidir, onlar ölkənin daxili işlərinə qarışmaq niyyətində olan xarici qüvvələrin və güclərin maraqlarına oynamaqla Azərbaycanın mili və dövlətçilik maraqlarının əksinə fəaliyyət göstərmiş olurlar. 

Facebook
Dəqiq xəbəri bizdən alın!
Keçid et
Ukrayna ordusu dəhşət saçdı: Rusiya ərazisi vuruldu