Rusiyada yay və qış vaxtına keçid ənənəsinə son qoyulacaq. Modern.az Rusiya mətbuatına istinadən xəbər verir ki, bu səhər Rusiya sonuncu dəfə yay vaxtına keçib. Rusiya Dövlət Dumasının deputatları vəd ediblər ki, tezliklə qış və yay vaxtlarına keçid ənənəsinə son qoyulacaq. Deputatlar gələn il yay və qış vaxtlarına keçidin, saat qurşaqlarının ixtisara salınmasının ləğv olunması barədə qanun qəbul edəcəklərini bildiriblər. Dövlət Dumasının iqtisadi siyasət komitəsinin rəhbəri Yevgeni Fyodorovun sözlərinə görə, hökumət deputatlarla birlikdə zaman və saat qurşaqlarının yeni standartlarına keçid üzrə vahid qanun layihəsi üzərində işləyir. Qanun layihəsi iyunun sonlarına qədər birinci oxunuşda qəbul olunacaq və gələn ildən isə qüvvəyə minəcək.