Bu gün Rusiya prezidenti Dmitri Medvedev paytaxt metrosunda baş vermiş terrorla əlaqədar Kremldə fövqəladə iclas çağırıb. Modern.az “İnterfaks”a istinadən xəbər verir ki, prezident Medvedev və müşavirədə iştirak edən güc strukturlarının rəhbərləri partlayış nəticəsində həlak olmuş vətəndaşların xatirəsini bir dəqiqəlik sükutla yad ediblər.
Rusiya dövlət başçısı paytaxtın iki metro stansiyasında “Lyublyana” və “Park kulturı”-da baş vermiş hadisənin terror aktı olduğunu bəyan edib. Medvedev bütün Rusiya ərazisində terrorizmə qarşı mübarizə elan edib. Prezident terrora qarış bütün dövəlt miqyasında mübarizə aparılmasını tələb edib. O güc strukturlar qarşısında terrorçuların kompromissiz və sərt şəkildə məhv edliməsi vəzifəsini qoyub.
Görüşdə Kreml administrasiyasının rəhbəri Sergey Narışkin, nəqliyyat naziri İqor Levitin, fövqəladə hallar naziri Sergey Şoyqu, Moskva meri Yuri Lujkov, Federal Təhlükəsizlik Xidmətinin (FTX) rəhbəri Aleksandr Bortnikov, daxili işlər naziri Rəşid Nurqaliyev, baş prokuror Yuri Çayka və Rusiya Baş Prokurorluğu yanında Tədqiqat Komitəsinin rəhbəri Aleksandr Bastrıkin iştirak edib.
FTX rəhbəri Aleksandr Bortnikov prezidentə terror aktı üzrə başlamış olan təhqiqatın gedişi barədə məlumat verib. Bortnikov birinci partlayışda 4 kiloqram, ikinci aksiyada 1.5-2 kq trotil partlayıcı maddədən istifadə olunduğnu deyib.
"Əlmizdə olan ilkin versiyaya görə, terror aktları Şimali Qafqaz regionu ilə əlaqəsi olan terror qruplaşmaları tərəfindən törədilib. Partlayışların törədildiyi yerdə iki qadın terrorçu kamikadzenin meyidi tapılıb. İlkin məlumatlara görə, onlar Şimali Qafqazda yaşayış qeydiyyatında olub. Federal operativ qərargah bu istiqamətdə iş aparır. Terrorizm maddəsi üzrə cinayət işi açılıb. Daxili İşlər Nazirliyi gücləndirilmiş iş rejiminə keçib", -deyə A. Bortnikov qeyd edib.
Modern.az-ın ən son məlumatına görə, Krasnoyarsk vilayətində səfərdə olan Rusiyanın hökumət başçısı Vladimir Putin təcili olaraq Moskvaya qayıdıb. Putin bəyan edib ki, terror aktının təşkilatçıları məhv ediləcək.
