Dağlıq Qarabağ münaqişəşinin nizamlanması ilə məşğul olan Minsk qrupu həmsədrlərinin regiona yeni səfəri başlayıb. Modern.az xəbər verir ki, həmişə olduğu kimi, həmsədrlər bu dəfə də ziddiyyətli mövqelərini ortaya qoymaqda, daha sonra isə soyuq məntiq qarşısında ayılaraq öz özlərini təkzib etməkdədirlər.
Rusiyalı həmsədr Yuri Merzlyakov artıq bir neçə gündür ki, Azərbaycanın tarixi ərazisi Qarabağda erməni separatçıların qonağıdır və o, mətbuata açıqlamasında Ermənistan tərəfin Madrid prinsiplərinin 5 bəndi ilə razılaşmadığını dilə gətirib. Merzlyarkovun bu bəyanatı siyasi təhlilçilər tərəfindən geniş müzakirə olunmağa başlar-başlmaz rusiyalı vasitəçi artıq başqa ampluada çıxış edir. Merzlyakov Ermənistanın Madrid prinsiplərinə müsbət cavab vermədiyinə dair onun adından verilmiş bəyanatı təkzib edir.
“Mənim bəyanatımın mətninin stenoqramı durur, söylədiklərim sozbəsöz orada əksini tapıb”,-deyə Merzlyakov iddia edir. Xankəndində onun adından verilmiş bəyanatı təkzib edən Merzlyakovun əslində nə dediyi onun heç özünə də bəlli deyil. Xankəndində nə dediyini dəqiqləşdirməyə çalışan erməni jurnalistlərə açıqlamasında Merzlyakov hansısa yeni əlavələrdən söhbət getmədiyini deyib. “Bunlar əlavələr deyil, bunlar razılaşdırılmamış prinsiplərə aid olan olan təkliflərdir, bunlar əvvəlki müzakirə mövzusu olan momentlərdir”,-deyə Merzlyakov bildirib. O, Ermənistanın xarici işlər naziri Edvard Nalbandyanla görüşdə nizamlamanın prinsiplərinə dair konrkret formulların muzakirə olunmadığını deyib.