Tələbə Qəbulu üzrə Dövlət Komissiyası (TQDK) 2010/2011-ci tədris ili üçün Azərbaycan Respublikasının ali təhsil müəssisələrinə sənəd qəbulunun və qəbul imtahanlarının vaxtını elan edib. Modern.az-ın məlumatına görə, bu barədə TQDK sədri Məleykə Abbaszadə aprelin 7-də keçirdiyi mətbuat konfransında xəbər verib. Tələbə Qəbulu üzrə Dövlət Komissiyasının sədri deyib ki, 2010/2011-ci tədris ili üçün Azərbaycan Respublikasının ali təhsil müəssisələrinə abituriyentlərdən ərizə qəbulu aprelin 20-də başlayacaq, mayın 31-də yekunlaşacaq. 30 aprel-31 may aralığında isə ərizələrin təsdiqi həyata keçiriləcək.
Ali təhsil müəssisələrinə ixtisas seçimi iyulun 25-dən avqustun 2-dək aparılacaq.2010/2011-ci tədris ili üçün Azərbaycan Respublikasının ali təhsil müəssisələrinə qəbul imtahanlarının vaxtı aşağıdakı kimidir: III qrup – 4 iyul; I qrup – 11 iyul; IV qrup – 17 iyul; II qrup – 23 iyul. Texnikumlara ərizə qəbulu isə iyununun 28-dən iyulun 29-dək davam edəcək. Orta ixtisas müəssisələrinə qəbul imtahanları avqustun 29-da keçiriləcək. Bu il ali məktəblərin magistratura pilləsinə sənəd qəbulu 12-19 aprel aralığında həyata keçiriləcək. Magistraturaya qəbul imtahanlarının I mərhələsi mayın 2-də, II mərhələsi iyunun 20-də keçiriləcək. Aşağıdakı cədvəldə bütün imtahanlar və onlarla əlaqədar tədbirlər təqdim olunur:
Sınaq imtahanları | 11, 18, 25 aprel, 16, 23, 30 may, 6 iyun |
Türkiyə Respublikasının ali məktəblərinə sənəd qəbulu | 5-17 aprel |
Türkiyə Respublikasının ali məktəblərinə qəbul imtahanı (TCS) | 25 aprel |
Magistraturaya ərizə qəbulu | 12-19 aprel |
Magistraturaya qəbul imtahanının 1-ci mərhələsi | 2 may |
Magistraturaya proqram seçimi | 7-12 iyun |
Magistraturaya qəbul imtahanının 2-ci mərhələsi | 20 iyun |
Magistraturaya qəbul imtahanının ikinci mərhələsinə buraxılmış bakalavrların ixtisas seçimi | 22-25 iyun |
Ali təhsil müəssisələrinə ərizə qəbulu | 20 aprel-31 may; təsdiq: 30 aprel-31 may |
Qabiliyyət imtahanı iştirakçılarının qeydiyyatı | 30 aprel-31 may |
Rus bölməsi üzrə ilk Azərbaycan dili imtahanında iştirak etmək üçün ərizə təsdiqinin son günü | 14 may |
Rus bölməsi üzrə Azərbaycan dili imtahanı 1-ci 2-ci |
23 may 20 iyun |
Orta ixtisas təhsili müəssisələrinə ərizə qəbulu (ümumi orta təhsil bazasında) | 28 iyun-29 iyul |
Ali təhsil müəssisələrinə qəbul imtahanı III qrup I qrup IV qrup II qrup |
4 iyul 11 iyul 17 iyul 23 iyul |
Musiqi sənəti, Təsviri sənət, Teatr, kino və xoreoqrafiya sənəti istiqamətləri üzrə qabiliyyət imtahanı | 8-14 iyul |
Memarlıq və dizayn istiqaməti üzrə qabiliyyət imtahanı | 15-21 iyul |
İdman istiqaməti üzrə qabiliyyət imtahanı | 21-28 iyul |
Orta ixtisas təhsili müəssisələrinə qabiliyyət imtahanı (ümumi orta təhsil bazasında) | 20-27 iyul |
İxtisas seçimi | 25 iyul-2 avqust |
Apelyasiya (bakalavr və magistr) | 27-29 iyul |
Orta ixtisas təhsili müəssisələrinə qəbul imtahanı (ümumi orta təhsil bazasında) | 29 avqust |
Modern.az