Prezident İlham Əliyevin təşəbbüsü ilə cari ilin ölkədə «Ekologiya ili» elan edilməsini nəzərə alan Yevlaxın «Kür» qəzeti Azərbaycan jurnalistlərinə müraciət ünvanlayıb: “Biz belə bir deviz irəli sürürük: hər KİV 135 ağac əksin! Devizi təsadüfü seçməmişik. Hamımıza məlumdur ki, qarşıdan milli mətbuatımızın 135 illiyi gəlir. Milli mətbuatımızın unudulmaz öndəri Zərdabinin «Əkinçi» qəzetindən nur alan yubiley bayramı ağacəkmə kampaniyası üçün gözəl fürsətdir. Hər bir KİV orqanı 135 ağac əkməklə həm ölkəmizdə vüsət alan ekoloji siyasətə öz töhfəsini verər, həm də yubileyi özünəməxsus tarixə çevirər”.
«Kür» qəzetinin kollektivi artıq redaksiyanın yerləşdiyi həyətin torpaq sahəsini münbitləşdirməklə ərazidə 135 meyvə ağacından ibarət bağ saldığını bəyan edib.
“Ümidvarıq ki, bu nəcib təşəbbüsə sizlərdən də adekvat reaksiya gələcək. Bu gün əkdiyimiz sabah sevincimiz olacaq”,-deyə «Kür» qəzeti redaksiyasının müraciətində bildirlib. Modern.az
