Xəbər verildiyi kimi, iki gün öncə “Qarabağ Qaziləri” İctimai Birliyi Qırğızıstanda baş verən hadisələrlə bağlı Qırğız xalqına müraciət ünvanlamışdı.

Artıq Qarabağ qazilərinin müraciəti Qırğızıstanın aparıcı AKİpress (//kg.akipress.org/news:197201) informasiya agentliyində yayılıb. Bu barədə Modern.az-a Qarabağ qaziləri İctimai Birliyinin mətbuat xidmətinin rəhbəri Rey Kərimoğlu məlumat verib. R.Kərimoğlunun sözlərinə görə,  bu gün də bir çox mətbuat orqanları (//for.kg/ru/news/117725, www.ca-news.org/news/363231) qazilərin müraciətini yayıb.

Xatırladaq ki, keçmiş döyüşçülər müraciətdə müharibənin ağrı-acısını yaşayan insanlar kimi Qırğız xalqını qardaş qanı axıtmamağa, müstəqil dövlətləri naminə birləşməyə çağırmışdılar. Qarabağ qaziləri Rusiyanın məkrli siyasəti ilə hadisələrin daha da qızışdırılaraq dramatik həddə çatmasından narahatçılıqlarını ifadə etmişdilər.