Rusiya prezidenti Dmitri Medvedevin Ankaraya səfəri gözlənilir. Modern.az türk mətbuatına istinadən xəbər verir ki, bu barədə Türkiyənin xarici işlər naziri Əhməd Davutoğlu bildirib. Səfər çərçivəsində Qarabağ münaqişəsinin həllinə dair müzakirələr keçiriləcək. Medvedevin Ankara səfəri mayın 11-12-də nəzərdə tutulub. Davutoğlu qeyd edib ki, Qafqazdakı indiki status-kvo region ölkələrinin maraqlarına cavab vermir. “Biz bu problemə öz problemimiz kimi baxır və bu istiqamətdə səylərimizi davam etdirəcəyik”,-deyə Türkiyə XİN başıçı deyib.
Modern.az xəbər verir ki, Türkiyənin xarici işlər naziri Əhməd Davutoğlu və Rusiya XİN başçısı Sergey Lavrov arasında telefon danışığı olub. Rusiya XİN-in məlumatına görə, türk tərəfin təşəbbüsü ilə keçirilən danışıqda regiondakı vəziyyət və ikitərəfli əməkdaşlıq məsələləri müzakirə olunub.