Misirdə havanın hərarəti maksimum həddən 7 dərəcə aşağı düşüb ki, bu da son 122 ildə müşahidə olunan ən rekord göstəricidir.
Modern.az saytı xarici KİV-ə istinadən bildirir ki, ölkənin bir sıra regionunda yağışla müşayiət olunan küləyin sürəti saniyədə 28 metrə çatıb. İl ərzində günəşli günlərin sayının çox olduğu Misirdə qışda belə yağış 3-4 dəfə yağır. İndi havanın hərarətinin aşağı düşməsi təbii fəlakətlə əlaqələndirilir. Baş meteoroloyi idarə artıq yerli sakinlərə müraciət edərək imkan daxilində evdə qalmağı məsləhət görüb. Güclü yağış səbəbindən Qahirə küçələrində bir neçə gündür uzun tıxaclar yaranıb. Daha ağır vəziyyət ölkənin şimal rayonlarında yaranıb. Aleksandriyada fırtına xəbərdarlığı edilib. Güclü külək nəticəsində onlarla reklam lövhəsi aşıb, ağaclar kğkündən yıxılıb.