Dekabrın 17-də Türkiyə polisinin rüşvət və qaçaqmalçılıq ittihamı ilə həbs etdiyi milliyyətcə azərbaycanlı olan iranlı iş adamı Rza Zərrab çirkli pulların yuyulması, İrandan böyük miqdarda maliyyə vəsaitinin Türkiyəyə şübhəli transferi, külçə qızılların qaçaqmalçılığı, saxta sənədlər hazırlamaq, vəzifəli şəxslərə rüşvət vermək kimi ağır cinayətlərdə ittiham edilir.

Rza Zərrab dünənə qədər də tanınırdı. Onun adı bir vaxtlar Türkiyədə yaşayan müğənni Azəriqızı Günellə birgə hallanırdı. Türkiyə mətbuatı o vaxtlar bu cütlüyün bir-birini sevdiyini, hətta guya evlənmək niyyətində olduqlarını da iddia edirdi. Amma bir müddət sonra Rza Zərrabın tanınmış müğənni Ebru Gündəşlə evlilik məsələsi gündəmə gəldi. Məlum olduğu kimi bu cütlük artıq evlidir və onların bir qız övladları da doğulub. Maraqlıdır,

Rza Zərrab necə zəngin olub? 

Ümumiyyətlə, Rza Zərrab kimdir? 

Modern.az-ın məlumatına görə, Rza Zərrab 1984-cü ildə Bakıda anadan olub. Zəngin bir ailənin uşağı olması səbəbindən kiçik yaşlarından etibarən ticarət ilə məşğul olmağa başlayıb və bacarığı ilə ailəsinin sərvətinə sərvət qatıb. Gəmi sahibi, zərgərlik, neft ticarəti kimi işlərlə məşğul olan məşhur iş adamı Əbru Gündeş ilə evlidir. Bu qədər zəngin olmasının ən böyük sirri qızıl bazarı qaydalarını çox yaxşı bilməsi və sərmayələrini qızıl üzərindən reallaşdırmasıdır.

  Digər bir məlumata görə. Hüseyn Zərrabın oğulları Rza və Məhəmməd Zərrab tərəfindən İstanbulda qurulan "Royal Dənizçilik və Sənaye Maşın Sənaye Ticarət MMM." adlı şirkəti 27 Oktyabr 2011-ci il oktyabrın 27-də qızıl alverini də adına bir əlavə edbi. Şirkətin yeni adı bu tarixdən etibarən "Royal Dənizçilik Sənaye Maşın və Qiymətli Mədənlər Sənaye Ticarət MMM." olaraq dəyişdirilib. Rza Zərrabın daha əvvəl də İstanbulda bir zərgərlik şirkəti olub.

 

 

 

     Modern.az