Azərbaycan-Türkiyə Parlamentlərarası Əlaqələr üzrə işçi qrupunun rəhbəri Nizami Cəfərov Modern.az saytına bildirib ki, Türkiyə ilə Ermənistanın sərhədlərinin açılması məsələsi sentyabrın 29-da Bakıda keçirilən Türkdilli Dövlətlərin Parlament Assambleyasının (TDPA) sammitində müzakirə olunacaq. Onun sözlərinə görə, bu məsələ assambleyanın gündəliyinə salınmasa da, Azərbaycan tərəfi bunu mütləq qaldıracaq: “Hesab edirik ki, bu, yalnız Türkiyənin deyil, bütövlükdə türk dünyasının məsələsidir. Hər halda, digər türk ölkələrinin məsələyə münasibəti də bizim üçün maraqlıdır”.