Modern.az Türkiyə mətbuatına istinadən xəbər verir ki, Böyük Millət Məclisində Hakimlər və Prokurorlar Ali təşkilatının qanunverici təklifinin müzakirəsi zamanı dava düşüb.
Aldığı zərbələr nəticəsində burnu qanayan CHP-li Zonquldağ millət vəkili Əli İhsan Köktürk xəstəxanaya qaldırılıb. Hakimlər və Prokurorlar Ali təşkilatının qanun təklifinin müzakirəsində kürsüdə çıxış edən CHP sədrinin müavini Bülənt Tezcan sui-istifadələr üzərindən hökuməti tənqid edib. Xəbərdarlıqlara baxmayaraq, kürsüdən düşməyən Bülent Tezcana AKP-li millət vəkilləri reaksiya göstərib. Daha sonra AKP millət vəkili Bayram Özçelik kürsüdəki Tezcanın yanına gedib və aralarinda mübahisə yaranıb. Nəticədə bir-birilərinə yumruq atıblar. Bu yumruğun ardından Millət Məclisi bir-birinə qarışıb. CHP-li millət vəkili Əli İhsan Köktürk xəstəxanaya qaldırılıb.