“Ukraynanın cənub-şərqindəki vəziyyətlə bağlı təcili toplanmaq və oradakı insanlarla danışıqlar aparmaq lazımdır”. Modern.az rus KİV-nə istinadən xəbər verir ki, bunu "qaynar xətt" vasitəsi ilə vətəndaşların suallarına cavab verən Rusiya prezidenti Vladimir Putin deyib. O, devrilmiş prezident Viktor Yanukoviçin Avropa Birliyi ilə assosiasiya sazişini imzalamaqdan imtina etməsinə də aydınlıq gətirib. Kreml rəhbərinin sözlərinə görə buna əsas səbəb AB-nin rəsmi Kiyevə təklif etdiyi şərtlərin ağırlığından irəli gəlirdi. “Amma buna baxmayaraq Ukraynada müxalifət qanuni prezident Viktor Yanukoviçi devirdi. Bu kiməsə xoş, kiməsə xoş olmadı. Buna görə də Ukraynanın cənub-şərqində yaşayan sakinlər özlərinin, uşaqlarının gələcəyi üçün narahat olmağa başladılar”,-deyə V. Putin söyləyib. Dövlət başçısı Ukraynada Rusiya agentlərinin olması ilə bağlı iddialara da cavab verib. “Ukraynada Rusiya xüsusi xidmət orqanlarına məxsus bölmə, təlimatçı yoxdur”.
Aqşin Kərimov
