İspaniyanın “El Mundo” nəşri iki gün öncə FİFA-nın prezidenti posundan istefa vermiş Yozef Blatterlə bağlı yeni iddia irəli sürüb. Modern.az saytı xəbər verir ki, qəzetin yazdığına görə, 79 yaşlı Blatter rusiyalı gənc model İrina Şeyklə sevgili olub. Qəzet iddia edir ki, İrina Şeyk portuqaliyalı futbol ulduzu Kriştiano Ronaldu ilə tanış olmazdan öncə Blatterin sevilisi olub.

Yozef Blatter Beynəlxalq Futbol Federasiyasının (FİFA) prezidenti postundan iyunun 2-də öz istefasını elan edib.

Ötən həftə FİFA-nın bir neçə yüksək vəzifəli məmuru Sürixdə həbs olunmuşdu. Onlara qarşı korrupsiya, pulların yuyulması, həmçinin marketinq və yayım sövdələşmələri bağlanılmasında fırıldaqçılıq ittihamları irəli sürülmüşdü. Həbslər FİFA rəhbərinin növbəti seçkilərinə iki gün qalmış aparılmışdı. Buna baxmayaraq, Yozef Blatter beşinci dəfə FİFA-nın prezidenti seçilmişdi.
Amma az sonra istefa verməyə məcbur oldu.



Modern.az