Ukrayna rəhbərliyi Moldovanın tanınmamış Dnestryanı Respublikası ilə sərhədini möhkəmləndirəcək. Modern.az xarici KİV-ə istinadən bildirir ki, bu haqda Odessa vilayəti administrasiyasının rəhbəri Mixail Saakaşvili məlumat verib: “Düşünürəm ki, Ukrayna yaxın zamanda bütün təmas xəttində qanuni haqqını bərpa edəcək. Bu çox vacibdir. Bu dərəbəyliyə son qoymaq lazımdır. Bu ərazilərdən qaçaqmal, narkotik, silah gətirilir, bu ərazilərdən qeyri-sabitlik gəlir, başqa heç nə gəlmir. Ona görə bu, sadəcə, daxili təhlükəsizlik və bizim iqtisadi maraqlarımız məsələsidir”.
O əlavə edib ki, bu işlərin görülməsi üçün əlavə vəsait ayrılacaq.
Modern.az