Parlament seçkilərində iştirak etmək üçün yaradılmış siyasi partiyaların seçki blokları bir-biriləri ilə heç bir əlaqə saxlamırlar. Bu barədə Modern.az -a “Qarabağ” blokunun təsisçilərindən olan Azərbaycan Demokrat Partiyasının sədri Sərdar Cəlaloğlu bildirib. Onun sözlərinə görə, AXCP-Müsavat seçki blokunu çıxmaqla digərlərinin mövqeyi müxalifət düşərgəsinin prinsiplərindən fərqləndiyi üçün müzakirə ediləsi bir məqamlar da yoxdur.
“AXCP-Müsavat seçki bloku ilə prinsiplərimiz üst-üstə düşür. Amma bu blokla əməkdaşlıq imkanları hələlik görünmür. Müsavat Partiyasının tutduğu qəribə mövqe bizə bloklar arasında əməkdaşlıqla bağlı imkan vermir”-deyə S. Cəlaloğlu vurğulayıb.
İndiki halda belə müzakirələri vacib hesab edən ADP sədri deyib ki, müxalifət partiyaları seçki prosesinə daha böyük koalisiya ilə getsəydilər, o zaman uğur qazanmaq ehtimalı daha böyük olardı.
Modern.az