95 saylı Tərtər seçki dairəsindən AXCP-Müsavat seçki blokunun vahid namizədi olan Qabil Hüseynli yerli DSK-nın fəaliyyətindən Mərkəzi Seşki Komissiyasına şikayət edib. Bu barədə Modern.az-a məlumat verən Q. Hüseynli bildirib ki, şikayətinə ədalətli baxılacağına ümid edir. “Bu şikayətə olan münasibətdən asılı olaraq mənim digər addımlarm da olacaq”- deyə o bildirib.
Q. Hüseynli Tərtər rayon Polis Şöbəsinin pasport-qeydiyyat idarəsinin rəisini də məhkəməyə verib. Onun sözlərinə görə, Dairə Seçki Komissiyasının bu şəxsi imzaların yoxlanmasına məsul kimi DSK-ya daxil etməsi qanun pozuntusudur. Çünki bu idarənin imzalarla bağlı ekspert rəyi verməyə ixtiyarı yoxdur. Qeyd edək ki, imzalar yoxlanılarkən ekspert yığılan imzalarının 176-nı saxta elan edib, 20 şəxsiyyət vəsiqəsinin isə vaxtının keçdiyini açıqlayıb.
Modern.az 95 saylı Tərtər Seçki Dairəsi ilə də əlaqə saxlayıb. DSK-nın sədri Həmid Mehdiyev saytımıza bildirib ki, Q.Hüseynlinin eksperti məhkəməyə verməsi ilə bağlı məlumatları yoxdur. “Bu onun hüququdur. Amma biz də nəyəsə əsaslanıb bu qərarı vermişik”-deyə DSK sədri bildirib.
95 saylı Tərtər seçki dairəsindən AXCP-Müsavat seçki blokunun vahid namizədi olan Qabil Hüseynli yerli icra hakimiyyətinin sifarişi ilə qeydə alınmadığını bildirir. Modern.az-a açıqlamasında Müsavat başqanın müavini deyib ki, onun namizədliyinin əngəllənməsi barədə birbaşa Tərtər rayon İcra Hakimiyyətinin başçısı Vidadi İsyevin göstərişi olub.
Modern.az
