Ermənistan Təhlükəsizlik Xidmətinin keçmiş əməkdaşı Vladimir Akopyan prezidenti Serj Sərkisyanın mətbuat xidmətinin yeni rəhbəri təyin edilib. Modern.az-ın Ermənistan KİV-nə istinadən verdiyi xəbərə görə, o, əvvəllər Milli Təhlükəsizlik Xidmətinin baş idarəsində şöbə rəisi işləyib.
Digər sərəncamla Arman Saqatelyan mətbuat katibi vəzifəsindən azad edilib.
Vladimir Akopyan 1982-ci il noyabrın 26-da Yerevanda anadan olub. 1998-2003-cü illərdə Xaçatur Abovyan adına Ermənistan Dövlət Pedaqoji Universitetinin radio jurnalistikası bölməsində oxuyub.
2006-cı il dekabrın 11-dən 2015-ci il iyulun 17-nə qədər Ermənistan Milli Təhlükəsizlik Xidmətində işləyib.
Modern.az