Terror təşkilatı İraq-Şam İslam Dövlətinin (İŞİD) Bosniyada mühafizə olunan bir kənd yaxınlığında Qərbə qarşı hücumlarda istifadə edilmək üçün baza yaratdığı iddia edilib. Modern.az xarici KİV-ə istinadən bildirir ki, iddiaya görə, meşə sahə ilə əhatə olunan Osve kəndində indiyə qədər 12 terrorçu təhsil alıb. Təhsildən sonra da Suriyaya göndəriliblər.

İngiltərənin “Sunday Mirror” qəzetinin iddiasına görə, Osve kəndini GPS ilə tapmaq mümkün deyil və sadəcə, sıldırımlı yollardan keçməklə avtomobillə getmək mümkündür. Kənd sanki bir kabusdur.

1990-cı illərdə Bosniyadan qaçıb Avstraliyaya yerləşən İŞİD havadarları Harun Mehicevic, Yasin Rizvic, Osman Kekic və İzet Hadzicin də bölgədə olduğu təxmin edilir.

Kimliyinin gizli qalması şərtilə ingilis jurnalistlərə danışan bir kəndli müntəzəm olaraq meşə sahəsindən silah səsləri eşitdiklərini deyib.

Terror mütəxəssisi Dzevaz Galijasevic deyib: “Orada terror təhdidi olduğu çox açıqdır. Çox böyük bir təhlükədir”.

Təhlükəsizlik qüvvələri isə buranın Qərbə yönəlik hücumlarda baza olaraq istifadə edilə biləcəyini düşünür. Bölgənin Suriyadan gəlib Türkiyə üzərindən Yunanıstana, oradan da Makedoniya və Serbiyaya keçən radikal dindarlar üçün uyğun bir yer olduğu bildirilir.

Modern.az