Oktyabrın 1-dən başlayaraq Yaxın Şərqdə yaşanan gərginlik 101 fələstinli və 19 yəhudinin ölümü ilə nəticələnib. Modern.az xarici KİV-ə istinadən xəbər verir ki, sonuncu insident bu gün səhər saatlarında İordan çayının qərb sahilindəki Kfar-Adumim şəhərində baş verib.
21 yaşlı fələstinli gənc maşınla 2 İsrail hərbçisini vursa da, cavab atəşi ilə öldürülüb. Xəsarət alan yəhudi hərbçilər isə xəstəxanaya yerləşdirilib.
Fələstin-İsrail gərginliyinin yeni dalğası oktybarın 1-də Qüdsün Əl-Əqsa məscidində namaz qılmaq istəyən ərəblərin əraziyə buraxılmamasından sonra başlayıb.
Vüqar İsmayılov