Müsavat divanın üzvü İbrahim İbrahimlinin partiya sıralarından istefası siyasi çevrələrdə ciddi rezonans doğurub. Modern.az-a daxil olan məlumata görə, partiyadan isefa verən Məclis sədri Sülhəddin Əkbərin və İbrahim İbrahimlinin yeni siyasi partiya yaratmaq planı var. Bu partiyanın konturları barədə çox məhdud informasiyalar var.
Modern.az bununla bağlı İbrahim İbrahimliyə müraciət edib. Sualımızı ətraflı cavablandırmayan İ.İbrahimli deyib ki, tezliklə bütün məsələlərə aydınlıq gətiriləcək. “Yaxın günlərdə biz istefamızın səbələri barədə geniş açıqlama verəcəyik. Bir az gözləyin. Hər şeyi deyəcəyik”-deyə İ.İbrahimli deyib.
Bununla yanaşı, keçmiş müsavatçı israrlı suala rəğmən yeni partiya yaradıb-yaratmayacaqlarına aydınlıq gətirməyib.
Modern.az