Xalq artisti bir həftədən sonra evə buraxılacaq
Dekabrın 11-də beyin qan dövranın kəskin pozulması diaqnozu ilə xəstəxanaya yerləşdirilən Azərbaycanın xalq artisti Siyavuş Aslanın səhhəti normallaşıb. Bu barədə xalq artistinin oğlu Eldar Aslan Modern.az-a bildirib. E.Aslanın sözlərinə görə, bu gün xalq artistinin yanında olublar.
“Səhhəti normaldı. Həkimlər tərəfindən profilaktik işlər aparılır”-deyə o bildirib.
E. Aslanın sözlərinə görə, təzyiqinin tez-tez oynaması xalq artistində çoxdan müşahidə edilir.
“Atam bir həftədən sonra xəstəxanadan çıxacaq”-deyə E.Aslan saytımıza bildirib.
