Azərbaycan Milli Məclisinin NATO Parlament Assambleyasındakı (NATO PA) nümayəndə heyətinin yeni tərkibi təsdiqlənib.
Milli Məclisin Təhlükəsizlik və müdafiə komitəsinin üzvü Zahid Orucun APA-ya verdiyi məlumata görə, Azərbaycanın NATO PA-dakı nümayəndə heyətinin tərkibi ötən çağırışda olduğu kimi qalıb, dəyişməyib.
Yəni növbəti 5 il ərzində də Azərbaycanı NATO PA-da Ziyafət Əsgərov, Siyavuş Novruzov, Qüdrət Həsənquliyev, Məlahət İbrahimqızı, Tahir Süleymanov və Zahid Orucdan (ehtiyat) ibarət heyət təmsil edəcək. Nümayəndə heyətinə bu dəfə də Ziyafət Əsgərov rəhbərlik edəcək.