Milli Məclisin mətbuat xidmətinin məlumatına görə, dekabrın 23-də Milli Məclisin Sədri Oqtay Əsədovun yanında ölkəmizi NATO Parlament Assambleyasında təmsil edəcək deputatlarla - Milli Məclis Sədrinin birinci müavini, NATO PA-da nümayəndə heyətimizin rəhbəri Ziyafət Əsgərov, üzvləri Siyavuş Novruzov, Tahir Süleymanov, Məlahət İbrahimqızı və Qüdrət Həsənquliyevlə işgüzar görüş keçirilib.
Görüşdə Azərbaycanın mötəbər beynəlxalq qurumlarla, o cümlədən NATO PA ilə əlaqələrinin əhəmiyyətindən və Avratlantik strukturlarla əməkdaşlığın perspektivlərindən danışılıb.
Parlamentin Sədri ölkəmizi təşkilatda təmsil edəcək nümayəndə heyətinin üzvlərinə gələcək fəaliyyətlərində uğurlar arzulayıb və öz tövsiyələrini verib.
