Yeni Azərbaycan Partiyasının sıralarında 530 minə yaxın insan cəmləşib. Bu məlumatı hakim partiyanın icra katibi Əli Əhmədov verib. Onun sözlərinə görə, 2010-cu il ərzində Yeni Azərbaycan Partiyası sıralarını genişləndirib. İl ərzində Yeni Azərbaycan Partiyasının sıralarına 20 mindən çox yeni üzv daxil olub.
“Sevindirici haldır ki, YAP-ın sıralarında gənclərin sayı sürətlə artır. 2010-cu ildə partiyamızın sıralarına daxil olan yeni üzvlər arasında gənclərin üstünlük təşkil etməsini xüsusi vurğulayaraq, demək istəyirəm ki, bu, partiyamızın gələcək inkişaf perspektivləri baxımından geniş imkanlar açır”-deyə Ə.Əhmədov vurğulayıb.